Европската ракометна федерација (ЕХФ) го објави новиот ранкинг на земјите според коефициент за трите клупски натпреварувања.

Македонија напредуваше за две места, моментно е ба 11 позиција, но и покрај тоа, и следната натпреваручка сезона 2025/26 нема сигурно место во Лигата на шампионите, а за тоа повторно надежите ќе бидат од ЕХФ да ни додели „вајлд-карта“.

Годинава актуелниот шампион на Македонија, Еурофарм Пелистер доби „вајлд-карта“ и ќе игра во групите на Лигата на шампионите.

Според новото рангирање, нашата земја за сезоната 2025/26 во машка конкуренција има две сигурни места во Европската лига, и две места во ЕХФ Европскиот куп.

Во женска конкуренција сме далеку од место во ЛШ, но имаме едно сигурно место во Европската лига и три места во ЕХФ Европскиот куп за сезоната 2025/26.