Македонската фудбалска репрезентација денеска на свој терен го игра натпреварот против Лихтенштајн во рамките од квалификациите за Светскоот првенство, а во натпреварот влегуваме како големи фаворити.

Лихтенштајн е аутсајдер во групата и единствена селекција без бодови, а освен тоа во првите чеири натпревари не постигнаа и ниту еден гол, примија најмногу, 14.

Македонија од друг страна квалификациите ги започна со добри резултати, имаме две победи и две нерешени средби. Славевме во дуелите со Казахстан и Лихтенштајн на гости, а ремизиравме дома со Велс и Белгија. Со осум бода сме на второто место во групата, Велс е пред нас со 10, Белгија на третата има седум, но и натпревар помалку, потоа следат Казахстан (3) и Лихтенштајн на последното место.

Во првиот натпревар во Вадуц го добивме Лихтенштајн со 0-3, натпреварот тогаш беше решен уште во првото полувреме во кое постигнавме два гола. Стрелци беа Трајковски, Муслиу и Миовски.

Во минатото со Лихтеншајн сме одиграле 12 натпревари во кои имаме 11 победи, а еден дуел завршил нерешено и тоа во квалификациите за Европското првенството во 2002 година кога н а гости одигравме 1-1. Против Лихтенштајн ја имаме забележанно и нашата најубедлива победа и тоа во 1996 година кога во мундијалски квалификации победивме со 11-1 и тоа на гостински терен.

Без разлика што сè е на наша страна, селекторот Благоја Милевски на вчерашната прес-конференција потенцираше дека нема да го потцени противникот.

„Сите играчи се здрави и подготвени. Имаме максимален респект за Лихтенштајн и воопшто нема да биде лесно. Додека сум селектор, никогаш нема да потценам ниту еден противник. Нашата цел е јасна, три бода кои се исклучително важни во моментов, Задоволен сум од изданието на фудбалерите кои дебитираа против Саудиска Арабија. Лука Станковски, Елмин Растодер и Решат Рамадани покажаа дека имаат квалитет и се разбира дека сметаме на нив и на натпреварите за бодови“,изјави Милевски.

Натпреварот е закажан за во терминот од 18:00 часот на Националната Арена „Тодор Проески“.

ФОТОГАЛЕРИЈА: Македонските фудбалери го имаа официјалниот тренинг пред дуелот со Лихтенштајн