Триесет и двегодишен македонски државјанин го загуби животот во сообраќајна несреќа која се случила утрово на автопатот Нови Сад-Суботица, пренесуваат српските медиуми.

Според пишувањата на српските медиуми, возилото марка „киа“ со македонски регистарски таблички, кое се движело по автопатот кон Хоргош, излетало од патот кај населбата Вишњевац, помеѓу клучката Жедник и наплатната станица во Суботица, а потоа се превртело.

Во несреќата загинат е сопатникот Н.А., додека 60-годишниот возач А.А. бил тешко повреден. Повреденото лице било пренесено во болницата во Суботица каде му била укажана потребната медицинска помош.

На местото на настанот веднаш излегла полиција и и обвинител од Основното јавно обвинителство во Суботица.