Властите во Шри Ланка соопштија дека прекинот во снабдување со струја, кој остави милиони луѓе без електрична енергија, е предизвикан од мајмун кој влегол во електрична централа и дошол во контакт со мрежна централа, јавуваат светските медиуми.

Поради дефектот, голем дел од азиската држава беше со часови без струја, а тоа предизвика проблеми во болниците, системите за пречистување на вода и железницата.

„Мајмунот удрил во далновод во електраната, предизвикувајќи моментална нерамнотежа во системот, по што изби националната мрежа“, изјави министерот за енергетика.

Чувар од електраната Панадура изјави дека слушнал силна експлозија, по што се појавил облак од чад. Мајмунот не го преживеал инцидентот, вели тој.

Проблемите што ги предизвика мајмунот ќе потраат уште неколку дена, велат властите.