Денеска во првиот натпревар во 2022 година екипата на Плоешти како домаќин славеше со резултат 94:88 над Таргу Јиу.

Тоа беше крај на лошата серија на порази, седум во низа кои ги имаше Плоешти во романскиот кошаркарски шампионат.

Моментно на табелата се наоѓа на осмото место со 18 бодови, шест помалку зад водечкиот Клуж Напока, а токму овие екипи ќе се сретнат во следното коло на 8 јануари.

Придонес во денешниот триумф, петти сезонава, имаше македонскиот репрезентативец Андреј Магдевски.

Нашиот плејмејкер за 34 и пол минути поминати на паркетот запиша 10 поени, седум скокови и 13 асистенции, најмногу од сите на мечот.