Во германското финале во ракометната Лига на шампионите екипата на Магдебург со 32:26 триумфираше над Фуксе Берлин.

Овие две екипи сезонава водеа и борба за титулата во Бундеслигата каде за еден бод Фуксе Берлин се најде на врвот пред Магдебург.

Овојпат подобри беа играчите на Магдебург кои вторпат во три години доаѓаат до титулата шампиони на Европа.

Најзаслужен играч за победата беше Гисли Кристјансон со осум голови, по него следеа Омар Магнусон и Феликс Клар со по шест, а на голот блескаше и Серхи Ернандез со 15 одбрани.

На спротивната страна, Матијас Гидсел и Хакуно Тејгум имаа по седум погодоци.

Претходно во борбата за третото место на Фајнал-фор турнирот во Келн, Германија, тимот на Нант беше подобар од Барселона со 30:25.