Мир (Свет), сибирската мачка која рускиот претседател Владимир Путин му ја подари на гувернерот на јапонската префектура Акита Норихис Сатаке во февруари 2012 година, ставена е во домашен карантин поради страв дека ќе се зарази со коронавирус, соопшти гувернерот, а пренесува агенцијата ТАС С.

Мир живее во куќата на гувернерот заедно со шест други мачки.
„Бевме мниогу вознемирени поради веста дека коронавирусот е регистриран кај домашни мачки во САД“, рекол гувернерот и додал дека поради тоа своите домашни миленици ги ставил во изолација додека не помина опасноста од заразата.

„Сакаме Мир да нема контакт со никој надвор од нашето семејство и се надеваме деке опасноста која им се заканува на луѓето и на животните набрзо ќе помине“, рече гувернерот.

„Мирна е, има одличен апетит, силна е и среќна. Кога и да ја погледнам, чувствувам смиреност“, рекол гувернерот додавајќи дека ова негово милениче има посебно место во неговиот живот.