Напаѓачот на Манчестер јунајтед, белгискиот интернационалец Лукаку во принцип се согласил за преселба во редовите на Јувентус.

Според Goal.com, Белгиецот Лукаку ги договорил своите лични услови со тимот од Торино и ќе добие девет милиони евра за сезона, доколку одлучи да се пресели во италијанскиот шампион.

Но, за да биде реализиран овој трансфер, Пауло Дибала мора да се согласи да преземе во насока „Олд Трафорд”.

Аргентинецот не е многу воодушевен од ваквата можност и во моментот не дава дефинитивен одговор.

Се проценува дека Дибала сака премногу висока плата од Манчестер Јунајтед и тоа е главната причина за забавување на трансферот. Тој во моментов добива 7,5 милиони евра по сезона во Јуве.

Досега Лукаку во дресот на „црвените ѓаволи“ од 66 натпревари постигнал 28 голови.