Тренерот на ПСЖ, Луис Енрике индиректно потврди дека клубот подготвува трансфер на својата голема фудбалска ѕвезда Килијан Мбапе.

Не е тајна дека Французинот ќе потпише со шпанскиот гигант Реал Мадрид.

Во последните денови протекоа различни детали за договорот на Мбапе со „кралскиот клуб“, а голем број извори дури тврдат дека договорот е веќе потпишан. Договорот на напаѓачот со ПСЖ истекува на крајот од сезоната.

Мбапе синоќа беше заменет втор натпревар по ред. Напаѓачот одигра само едно полувреме во дербито на Монако и на стартот од вториот дел камерите го покажаа Мбапе во тунелот на стадионот во одлично расположение.

– Долго сум во фудбалот и мора да знаете дека сè е важно во клубови како нашиот. Порано или подоцна ќе играме без Мбапе и токму затоа ја барам најдобрата опција за тимот. Мора да се навикнеме – изјави по натпреварот тренерот на ПСЖ, Луис Енрике.