Љубовната приказна на Гвен Стефани и Блејк Шелтон- Од другари станаа брачни другари
Гвен Стефани и Блејк Шелтон може да им се заблагодарат на продуцентите и креаторите на „The Voice“ што ги споиле. Во април 2014 година, русокосата пејачка им се придружи на Адам Левин, Фарел Вилијамс и Блејк како гласовен тренер во шоуто. Седум месеци подоцна, Стефани ја објави својата прва фотографија со Шелтон на „Инстаграм“, пренесува „Intouch“.
Препорачано
Сепак, двајцата во тој период биле само пријатели, бидејќи Блејк бил во брак со Миранда Ламберт, а Гвен сè уште била со нејзиниот сопруг, Гевин Росдејл. Во јули 2015 година, Блејк и Миранда се разделиле по четири години брак. „Ние сме вистински луѓе, со вистински животи, со вистински семејства, пријатели и колеги. Затоа, љубезно бараме приватност и сочувство во врска со оваа многу лична работа“, се вели во соопштението.
View this post on Instagram
Еден месец подоцна, Гвен и Гевин одлучиле да одат секој по својот пат по 13 години заедно. „Додека двајцата дојдовме до заедничка одлука дека повеќе нема да бидеме брачни партнери, ние сепак остануваме партнери во родителството и сме посветени на заедничко одгледување на нашите три синови во среќно и здраво опкружување“, изјавил парот во тој период.
View this post on Instagram
Било едноставно за двајцата да се поврзат по крајот на нивните брачни врски. Музичарите продолжиле да објавуваат фотографии еден со друг на социјалните мрежи и во октомври 2015 година, двајцата се појавиле во „The Tonight Show Starring Jimmy Fallon“ каде ја испеале песната на Дрејк „Hotline Bling“, а хемијата меѓу двајцата дефинитивно била таму.
Конечно, во ноември 2015 година објавиле официјално дека се пар, но тие не го направиле своето прво деби на црвениот тепих дури во февруари 2016 година на „Оскарите“. „Гвен ми го спаси животот. Кој друг на земјата би можел да разбере како е да поминуваш низ развод од друг музичар? Не можете ни да ги замислите сличностите во нашите разводи“, признал Шелтон за списанието „Billboard“.
View this post on Instagram
Нивната приказна станала уште побајковита кога парот ја објавил својата свршувачка во октомври 2020 година. „Да, те молам“, стоело како наслов на фотографија од парот. Блејк потоа се огласи на својот инстаграм-профил и ја сподели радосната вест. „Еј, Гвен Стефани, благодарам што ми ја спаси 2020 година и остатокот од мојот живот. Те сакам. Слушнав ДА!“, напиша тој.
View this post on Instagram
На 29 јуни, Блејк и Гвен ја добиле лиценцата за брак во Оклахома. Државниот закон во Оклахома вели дека Гвен и Блејк ќе имаат 10-дневен рок да стапат во брак. Нивната венчавка, исто така, мора да се одржи во истата држава каде што е добиена лиценцата за брак.
Тие официјално го кажале „судбоносното да“ на 3 јули, по шест години љубов. Интимната церемонија се одржала на ранчот на кантри пејачот во Оклахома, со присуство на членови од семејството и блиски пријатели. „PageSix“ пишува декa Блејк, наводно, изградил малa капела на неговиот имот за размена на брачните завети со Гвен.
View this post on Instagram
