Денеска во првиот натпревар од третото квалификациско коло во Лигата на шампионите фудбалерите на Лудогорец и Ференцварош одиграа нерешено 0:0.

Овој двомеч е важен и за играчите на тетовска Шкендија, бидејќи една од овие екипи ќе игра против македонскиот првак или во плеј-офот на ЛШ или во плеј-офот на Лигата на Европа.

Тоа ќе го дознаеме по одигрувањето на реванш средбите следната недела, потсетување Шкендија загуби во првиот меч во Скопје против Карабах со 1:0.

Доколку Шкендија биде подобра севкупно во дуелите со азербејџанскиот шампион во плеј-офот на ЛШ ќе игра со победникот од дуелите меѓу Лудогорец и Ференцварош, а доколку биде елиминирана ќе се сретне со поразениот од бугарско-унгарската пресметка во плеј-офот на ЛЕ.

Возвратниот дуел меѓу Ференцварош и Лудогорец ќе се игра на 12 август во Будимпешта.