Ливерпул ја започна тековната сезона со освојување на англискиот Суперкуп против Манчестер сити, и тоа е единствениот трофеј годинава. Неуспехот во Европа и во најдобар случај третото место во Премиер лигата, но многу поверојатно петто место и отсуството од Лигата на шампионите, е резултатот на тимот на Јирген Клоп оваа сезона. И повеќе од доволно за тим кој во претходните пет години се етаблираше во самиот европски врв.

Затоа во претстоното лето се очекува да има „чистка“. Ливерпул во текот на преодниот рок ќе се обиде да се ослободи од пет играчи, пишува британскиот весник „Дејли Мирор“.

Првиот од нив е бразилскиот играч за врска Артур Мело кој е позајмен од Јувентус. Мело некогаш вредеше 76 милиони евра, кога од Барселона се пресели во Јувентус, но бројните повреди го спречија да ја оправда таа цена. Тој беше испратен во Ливерпул, каде што едвај доби минутажа. Самиот играч неодамна изјави дека не сака да остане во Англија, иако Ливерпул имаше право да го откупи договорот.

Огромно разочарување за Ливерпул е и играчот од средниот ред Наби Кеита. Во 2018 година Гвинеецот пристигна на „Енфилд“ од Лајпциг за 60 милиони евра. Неговиот договор истекува ова лето и Ливерпул има намера да се раздели со него и да го симне товарот од неговата плата од буџетот. Истата судбина го чека и Алекс Окслејд-Чембрлен, како и Џејмс Милнер.

Заминува и Роберто Фирмино, Бразилецот потврди дека нема да го продолжи договорот кој му истекува ова лето. Иако до неодамна беше клучен играч во екипата на Клоп, Фирмино оваа сезона отпадна од стартниот тим и најмногу се користеше како резервен напаѓач.