Откако ВМРО-ДПМНЕ реагираа дека заминувањето на Добрила Кацарска од раководната позиција во Уставниот суд било празник на правдата, реагираше министерот за правда Кренар Лога. Според него нападот врз независните институции е неприфатлив јазик за една земја членка на НАТО и земја која се наоѓа пред пристапување во Европската Унија. Им порача на ВМРО-ДПМНЕ да не се однесуваат како во кампања.

„Како министер и како министертво сме имале период на дебати и со претседателот и Уставниот суд воопшто, но во ниту еден момент тоа не било причина да се девалвира во јазик на омраза и лични квалификации кои потоа се манифестираат на улица и како закани кон носителите на јавни функции. Сè уште има одлуки на Уставниот суд за кои не делиме исти ставови, но во ниту еден момент истите не смеат да послужат како изговор за оспорување на тие пресуди и деградирачки коментари. Ја повикуваме политичката партија ВМРО-ДПМНЕ да се издигне на висината на задачата што ја чека, и да не се однесува како на изборна кампања. Патот на консолидирање на демократските институции поминува низ почитување од страна на партиите и релевантните институции“, објави на ФБ министерот за правда, Кренар Лога.

ВМРО-ДПМНЕ: Кога Кацарска напушта функција е празник на правдата