Објавени се мемоарите на ќерката на Елвис Присли, Лиза Мари Присли, која почина во јануари минатата година, кои откриваат интимни детали за нејзиниот живот. Меѓу останатите шокантни детали, таа открива дека откако извршил самоубиство во 2020 година, телото на нејзиниот син Бенџамин Ки го чувала на мраз два месеци пред да биде организиран погребот, пишува „Дејли мејл“.

Постхумните мемоари на Лиза Мери Присли откриваат како ѕвездата тагувала за загубата на нејзиниот син Бенџамин. Ќерката Лиза Мари, Рајли вели дека за нејзината мајка било „навистина важно“ да „има доволно време да се збогува со него, исто како што тоа го направила со нејзиниот татко“, Елвис Присли, кој почина во 1977 година.

„Во државата Калифорнија не постои закон дека треба веднаш да закопате некого“, пишува Лиза Мари.

За да го донесе телото на Бенџамин во домот, Лиза Мари пишува дека побарала помош од сочувствителен сопственик на погребна куќа.

„Тоа што го имав татко ми во куќата откако тој почина беше неверојатно корисно затоа што можев да одам и да поминувам време со него и да разговарам со него“, пишува Лиза Мари.

Лиза Мари напишала дека собата со телото на Бенџамин морале да ја чуваат на одредена температура,додека се одлучувала каде да го закопа – Хаваи или Грејсленд.

Трагичната животна приказна на Лиза Мари Присли: Го изгуби татка си на девет години, а син ѝ изврши самоубиство на 27-годишна возраст