Сега веќе поранешниот селектор на ракометната репрезентација на Хрватска, но и поранешен селектор на Македонија и тренер на Металург, легендарниот Лино Червар, денеска е опериран поради проблеми со камен во бубрезите. Червар беше примен во болница пред неколку дека кога се искомпликува неговата здравствена состојба.

– Добро сум колку што можам да бидам. Најпрво проблеми со бубрезите, а потоа и други проблеми со грбот. Извадив каменчиња од бубрезите преку уринирање. Ми ставија катетер по седми пат. Тоа е нешто ужасно и блазе си му на тој што не го доживеал ова. Тој не знае какви маки се овие – ја објасни Червар за „Индекс“ здравствената состојба.

– Сега ме чека решавање на преблемите со грбот и нервот кој удира на рбетот. Ме чека магнетна резонанца по која ќе видиме дали ќе морам да одам на операција или проблемот ќе се решава преку терапија – вели Червар кој откри дека проблеми имал и за време на Мундијалот во Египет.
– Нормално, секој ден примав по неколку инекции на ден. Преку глава ми е од се.