Поранешниот канадски супермодел Линда Евангелиста (58) испрати силна порака за поддршка на жртвите кои пријавуваат насилство и сексуално злоставување. Таа исто така, сподели дека и самата била жртва на злоупотреба, за време на петгодишниот брак со нејзиниот поранешен сопруг Џералдо Мари, пишува „Дејли мејл“.

Парот беше во брак од 1987 до 1993 година. Таа имаше само 22 години кога стапи во брак, а за тоа време Мари беше на чело на европскиот „Елит модел менаџмент“.

„Сфатив дека можеби сум во погрешна врска. Полесно е да се каже отколку да се направи – напуштање на токсична врска. Не е само да се каже „Сакам развод, се гледаме“… тоа не функционира така. Но, знаеше дека смее да го допира моето лице, што му носеше пари “, изјавила Евангелиста.

Во 2020 година, неколку жени го обвинија Мари за силување и сексуална злоупотреба, а Евангелиста призна дека верува во нивните тврдења, пофалувајќи ја нивната „храброст и сила“. Таа откри дека ѝ дале храброст и таа да проговори.

„Би сакала правдата да биде задоволена и таквите луѓе двапати да размислат и да се плашат, а жените да знаат дека не се сами“, додала таа.

Во едно интервју за „Гардијан“ таа кажа дека за време на нејзината врска со Џералд, не знаела ништо за тие сексуални обвинувања кои и го скршиле срцето, па не можела никако да им помогне на тие жени.

Инаку, Мари беш обвинет за силување на најмалку 13 манекенки, од кои некои биле малолетни, на возраст од 14 години. Во февруари, француските обвинители ја затворија истрагата. Наводните злосторства требаше премногу долго да се следат според францускиот закон, кој поставува временски рокови за кривичните дела да се судат пред суд.