Иако Рен го има најталентираниот и „највредниот“ фудбалски бисер во Едуардо Камавинга и од кого наредното лето ќе заработи вистинско богатство, друг француски тим доминира на трансфер пазарот.

Ако за ПСЖ се знае дека е најголем трошаџија меѓу француските екипи, тогаш Лил му го презеде приматот на Монако на најдобар продавач на фудбалски бисери. Последен фудбалер кој Лил го продаде и Виктор Осимен и тоа за засега 50 милиони евра на Наполи, но доколку се исполнат бонусите тогаш бројката ќе се зголеми и до 80 милиони евра.

Елмас си доби нов соиграч, Осимен стана најскап фудбалер во историјата на Наполи

Со ово трансфер францускиот тим покажа дека заедно со Борусија Дортмунд се вистински рудници за европските гиганти.
Лил во последните три години од продажба на фудбалери инкасира преку 250 милиони евра, а летово се очекува таа бројка да се зголеми за нови 30 милиони евра бидејќи Габриел Магаљаеш е на радарот на Наполи и Евертон, Борусија Дортмунд е подготвена да плати 45 милиони евра за Џонатан Иконе кој ќе биде замена за Џејдон Санчо.

Францускиот тим минатото лето го продаде Николас Пепе на Арсенал за рекордни 80 милиони евра и на овој трансфер заработија чисти 70 милиони бидејќи две години порано платија само 10 милиони за одличниот фудбалер.
Покрај Пепе и Осимен, Лил во последните три години на фудбалската мапа го лансира и Рафаел Леао за кого Милан плати 23 милиони евра плус бонуси. Французите Леао го донесоа од Спортинг Лисабон бесплатно откако му истече договорот со португалскиот тим.

Веднаш зад Леао е Тиаго Мендеш, Бразилецот во 2017 година беше платен девет милиони евра, а една година подоцна беше продаден на Олимпик Лион за 22 милиони плус три милиони во бонуси.

Лил во последните три години продаде и играчи како Ива Бисума за 17 милиони евра на Брајтон, Ибрахим Амаду на Севиља за 14.5 милиони, Кевин Малком за 12 милиони на Наполи, Бало Туре на Монако за 11 милиони евра.
Уште еден доказ дека Лил е најдобра средина во Франција за развој на младите фудбалери се и Еден Азар, Идрис Геј, Жервињо, Јоан Кабај, Бенжамин Павар. Азар беше продаден на Челси за 35 милиони евра.

Токму затоа специјализираниот сајт за трансфери Трансфермаркт го направи највредниот тим на Лил чија вредност е поголема од 360 милиони евра.