Селекцијата на Данска го приреди најголемото изненадување во вечерашните натпревари во Лигата на нации со победата над Англија од 0:1 и тоа по заслуга на најскапиот дефанзивец на светот, Хари Мегваер.

Штоперот на Манчестер јунајтед заработи исклучување уште во 32. минута поради два жолти картони, а само три минути подоцна Данска со голот од пенал на Кристијан Ериксен поведе со 0:1, резултат кој се покажа како конечен.

Белгија благодарение на двата гола на Ромелу Лукаку со 1:2 славеше на гостувањето кај Исланд.

Португалија и без Кристијано Роналдо успеа да дојде до убедлив триумф од 3:0 над Шведска. Заслугите за триумфот на португалците одат на сметка на најновото засилување на Ливепрул, Диого Жота, кој ги постигна вториот и третиот гол, додека резултатот го отвори Бернардо Силва.

Во репризата на финалето од СП 2018 година, светскиот шампион Франција повторно беше поуспешен од Хрватска, овој пат славеше во Загреб со 1:2.

Резултати
Лига А
Полска – БиХ 3:0
Италија – Холандија 1:1
Исланд – Белгија 1:2
Англија – Данска 0:1
Португалија – Шведска 3:0
Хрватска – Франција 1:2

Лига Б
Романија – Австрија 0:1
Норвешка – Северна Ирска 1:0
Шкотска – Чешка 1:0
Словачка – Израел 2:3
Русија – Унгарија 0:0
Турција – Србија 2:2
Финска – Ирска 1:0
Бугарија – Велс 0:1

Лига Ц
Македонија – Грузија 1:1
Естонија – Ерменија 1:1
Молдавија – Словенија 0:4
Грција – Косово 0:0
Белорусија – Казахстан 2:0
Литванија – Албанија 0:0