Фудбалската репрезентација на Грузија и во следното издание на Лигата на нации ќе игра во Лигата Б.

И во вториот меч од баражот Грузијците беа подобри од Ерменија, овојпат со убедливи 6:1 (5:0).

Во првиот меч селекцијата на Грузија триумфираше со 3:0 на гостински терен и веќе беше јасно дека реваншот ќе биде само формален.

Гол серијата почна со автоголот на Харојан, а потоа позитивата ја зголемија Микаутадзе кој двапати се запиша во листата на стрелците во првиот дел, а по еден погодок имаа Чакветадзе и Китеишвили.

На стартот од второто полувреме Ерменците го постигнаа единствениот гол преку Севикјан, а конечниот епилог го постави најголемата грузиска ѕвезда Кварацхелија.