Селекцијата на Шпанија со 2:0 ја совлада Чешка во дивизијата А во Лигата на нации и на најдобар начин го искористи киксот на Португалија.

„Фуријата“ по двете ремија на стартот од новото издание на Лигата на нации, забележа две победи и се искачи на првото место на табелата во групата 2.

Шпанците поведоа во 24. минута со голот на Карлос Солер, а конечниот резултат го постави Пабло Сарабија во 75. минута.

Во истата група, Швајцарија во Женева со 1:0 славеше над Португалија. Единствениот гол беше дело на Јарис Сеферовиќ во првата минута од натпреварот.

Во дивизијата Б, Србија испушти предност од два гола и одигра 2:2 против Словенија, додека Ерлинг Халанд во скандинавското дерби ја реши Шведска.

Србите во Љубљана по првото полувреме имаа предност од 0:2 благодарение на головите на Живковиќ во 8. и на Митровиќ во 35. минута. Но домашната селекција не се предаваше, во вториот дел тргна на се или ништо и таквиот пристап вроди со плод. Први Гнезда Черин во 48 минута намали на 1:2, а само пет минути подоцна Шешко.

Норвешка со 3:2 ја совлада Шведска, а главна ѕвезда беше Ерлинг Халанд. Новиот напаѓач на Манчестер сити во 10 и во 54 минута постигна два гола за водство од 2:0. Швеѓаните намалија преку Форсберг во 62 минута,но Сорлот и носи нов предност на Норвешка од два гола. Во последните моменти од натпреварот Гјокерес само го ублажи поразот на викинзите.

Резултати:
Дивизија А
Шпанија – Чешка 2:0
Швајцарија – Португалија 1:0

Дивизија Б
Норвешка – Шведска 3:2
Словенија – Србија 2:2

Дивизија Ц
Група 2
Северна Ирска – Кипар 2:2
Грција – Косово 2:0

Група 4
Македонија – Гибралтар 4:0
Грузија – Бугарија 0:0

Дивизија Д
Малта – Сан Марино 1:0