Пред завршувањето на летниот преоден рок во Англија официјално стартуваше новата сезона во Премиер лигата, а Лидс до сега може да се пофали дека има солиден учинок. Од пет натпревари има две победи, два порази и едно реми, со осум бодови за моментно седмо место на табелата.

Патрик Бамфорд и натаму не е во препознатливата форма, па започнаа шпекулациите дека на Лидс итно му е потребен нов напаѓач.

На последниот ден од летниот преоден рок се обезбеди потписот на Италијанецот Вилфрид Гнонто (18) кој доаѓа од редовите на швајцарскиот шампион Цирих.

Потпиша договор на пет години со Лидс (до лето 2027 година), пред да се пресели во Цирих вкупно осум години помина на „Сан Сиро“ во академијата на милански Интер.

✍️ #LUFC is pleased to confirm the signing of Italian international Wilfried Gnonto from FC Zurich

— Leeds United (@LUFC) September 1, 2022

Забележа 26 настапи во текот на сезоната 2020/21, пред да му помогне на Цирих да ја освои првата титула во швајцарската Суперлига по 13 години минатата сезона, постигнувајќи 10 гола и запишувајќи пет асистенции.

Тој беше деветтото летно засилување за клубот од „Иланд Роуд“ после Бренден Аронсон, Тајлер Адамс, Дарко Гјаби, Расмус Кристенсен, Сони Перкинс, Хоел Роблес, Марк Рока и Луис Синистера.