Фудбалерите на Лидс јунајтед официјално станаа шампиони на Чемпионшип и следната сезона ќе играат во Премиер лигата.

На Лидс му беше потребен триумф за да дојде до трофејот, Плимут поведе веќе на стартот од натпреварот по автоголот на Самуел Бајрам во 10 минута, а со тој резултат заврши првото полувреме.

Во вториот дел од мечот играчите на тренерот Даниел Фарке одиграа многу подобро, за израмнување во 53 минута се погрижи Вилфред Гнонто.

Победата ја донесе Манор Соломон пред финишот на средбата (90+1`).

Лидс на табелата има ист број на бодови како второпласираниот Барнли, но има подобра гол разлика. И двата тима ќе играат следната сезона во Премиер лигата, а во разигрувањето за третото место ќе се борат Шефилд јунајтед, Сандерленд, Ковентри и Бристол сити.

Покрај пласманот во највисокиот ранг на Англија, Лидс јунајтед ќе заработи 100 милиони фунти, но не ова, туку следното лето, како што е традиција кога се во прашање освојувачите на Чешмпионшип.