Лидерот на републиканците во Сенатот, Мич Меконел, бил пренесен во болница во Вашингтон откако се сопнал и паднал во хотел, изјави портпаролот на сенаторот, пренесува „Гардијан“.

„Синоќа лидерот Меконел се сопна во локален хотел за време на приватна вечера. Тој е примен во болницата каде што се лекува“, рече Дејвид Поп, директор за комуникации на Меконел.

Во 2019 година, Меконек (81), се сопнал и паднал во својот дом во Кентаки, добивајќи фрактура на рамото.

Меконел првпат бил избран во Сенатот на САД во 1984 година. Тој бил лидер на мнозинството во Сенатот од 2015 до 2021 година, а оттогаш како лидер на малцинството во Сенатот.

Пред неговиот избор во Сенатот, тој служел како извршен судија во округот Џеферсон, Кентаки од 1978 година.