Музичката ѕвезда Лепа Брена одржа незаборавен концерт во Љубљана на 8 март, по повод Денот на жената. Пред полната Арена Стожице, Брена ги воодушеви своите обожаватели со спектакуларна програма исполнета со емоции и со нејзините најголеми хитови, кои датираат од времето на групата „Слатки грех“.

На самиот крај од концертот Брена му се заблагодари на целиот тим кој работел на овој проект, а потоа откри дека дел од тимот станал и нејзиниот помал син Виктор Живојиновиќ.

– Ја поздравувам целата екипа техничари и ВЈ. Го поздравувам новиот член на оваа одлична екипа, Виктор Живојиновиќ – соопштила Брена, после што следувал аплауз.

Инаку, Виктор Живојиновиќ ја придружува на концертите од почетокот на музичката турнеја „Имам песна да ви пеам“ и работи на организацијата и визуелните ефекти, а сега и официјално станал дел од тимот на Брена.

Да потсетиме, на крајот на минатата 2024 година, на третиот концерт во Загреб, Лепа Брена се здоби со скршеница на ногата кога снимател падна врз неа, поради што беше принудена да се оперира и извесно време да ја прекине турнејата.

По речиси два месеци закрепнување, таа се врати на сцената и на задоволство на многумина продолжи да пее за својата публика.

Благодарение на физиотерапијата и напорното закрепнување, како и специјалните програми во Тајланд каде се лекуваше, Брена собра сили да продолжи.

Меѓутоа, како што таа неодамна изјави, болката од третиот загрепски концерт сè уште не исчезнала целосно.

– Останувам со внатрешна болка која морам да ја исплачам. Тоа е нешто што го чувствувам и ќе морам да го споделам со светот, за да го извадам од себе – изјавила неодамна Лепа Брена.

Колегите и пријателите се простија од Саша Поповиќ: „Ти беше раката за која сите се држевме и наша светлина во темнината“

ВИДЕО | Лепа Брена со солзи ја замоли публиката во Љубљана: „Помогнете ми да ја испееме оваа песна за Саша Поповиќ“

ФОТО | Лепа Брена повторно на нозе: Пејачката се појави во високи потпетици по тешката повреда и операцијата