Фрустрацијата кај Ферари продолжува да расте, а најнов доказ за тоа е настапот на Шарл Леклер на трката за Големата награда на Унгарија. Иако ја освои пол-позицијата и тргна со високи амбиции, возачот од Монако на крајот мораше да се задоволи со четвртото место што беше уште едно разочарување за овој тим.

Нервозата кај Леклер кулминираше во завршницата на трката, кога преку тимското радио јасно им стави до знаење на своите инженери дека стратегијата и техничката поддршка повторно потфрлиле. Клучниот момент се случи по пит-стопот, кога наместо подобрување, болидот почна да создава проблеми кои му го одзедоа водството и го исфрлија од битката за подиум.

„Ова е неверојатно фрустрирачки, не личи на ништо. Веќе не сме ни конкурентни. Само треба да ме слушате… Ќе најдев поинаков начин да ги решам тие проблеми, но вие не ме слушате. Сега веќе е доцна, само чудо може да се случи да стигнам до подиум“, порача Леклер јавно преку радио комуникацијата.

На крај, Леклер и не успеа да стигне до подиумот, иако ја има имаше пол-позицијата и заврши како четврти.