Францускиот лекар кој очајнички се обидел да ја спаси принцезата Дијана по фаталната сообраќајна несреќа во Париз, на 25-годишнината од нејзината смрт изјави дека секогаш ќе се чувствува одговорен за нејзината смрт.

Фредерик Мелиез на 31 август 1997 година ја пронашол принцезата Дијана во несвест, како се бори да дише на подот на здробениот „Мерцедес“ во тунелот Алма. Сега, кога наближува 25-годишнината од нејзината смрт, лекарот вели дека сè уште го прогонува она што се случило таа ноќ и сознанието дека тој бил еден од последните луѓе што ја виделе принцезата жива.

– Сфаќам дека моето име секогаш ќе се поврзува со оваа трагична ноќ. Се чувствувам донекаде одговорен за нејзините последни моменти. Тргнав кон уништениот автомобил. Ја отворив вратата и погледнав внатре. Четири лица, од кои двајца беа очигледно мртви, без реакција, без дишење, а другите двајца, од десната страна, живи, но во тешка состојба. Совозачот врескаше, дишеше. Можеше да почека неколку минути. А, патничката, млада дама, беше на колена на подот на „мерцедесот“, со главата надолу. Тешко дишеше. Ѝ требаше брза помош – изјавил за „Асошиетед прес“ Мелиез, кој се враќал дома од забава кога наишол на сообраќајната несреќа.

Лекарот подоцна ќе ја дознае веста – заедно со остатокот од светот – дека жената што ја лекувал била принцезата Дијана.

„Знам дека е изненадувачки, но не ја препознав принцезата Дијана. Бев на задното седиште во автомобилот и пружав помош. Сфатив дека е многу убава, но моето внимание беше толку фокусирано на она што морам да го направам за да ѝ го спасам животот, што немав време да размислувам која е таа жена“, рекол лекарот.

„Некој зад мене ми кажа дека жртвите зборуваат англиски, па почнав да зборувам англиски, велејќи дека сум доктор и повикав брза помош. Се обидов да ја утешам“, рече тој.

Тој потоа забележал блесок од папараци кои се собрале да ја документираат сцената. Британската истрага откри дека возачот на Дијана, Хенри Пол, бил пијан и возел со голема брзина за да избегне фотографите кои ги бркале. Малиез изјавил дека нема забелешка за постапките на фотографите по несреќата.

„Тие не ми го попречија пристапот до жртвите… Не ги молев за помош, но тие не ми се мешаа во работата“, вели тој.

Пожарникарите пристигнале брзо, а Дијана била пренесена во париската болница, каде починала неколку часа подоцна. Загинаа и нејзиниот сопатник Доди ал Фаед и возачот.

– Беше голем шок кога дознав дека таа е принцезата Дијана, и тоа дека починала. Дали направив сè што можев за да ја спасам? Дали правилно ја завршив својата работа?“, рекол Мелиез.

„Проверив со моите професори по медицина и проверив со полициските истражители“, рекол тој, а тие се согласија дека направил сè што можел.

Како што наближува годишнината од несреќата, тие спомени повторно се будат во него, но и се враќаат, вели: „Секогаш кога возам низ тунелот Алма“, вели тој.

„Направив сѐ за да ѝ чука срцето на принцезата Дијана“: По 24 години хирургот ги откри деталите од кобната ноќ

ФОТО | Принцовите повторно заедно: Ја отскрија статуата на принцезата Дијана

ФОТО | Принцовите повторно заедно: Ја отскрија статуата на принцезата Дијана