Основното јавно обвинителство Битола поведе постапка против докторката во битолската болница која беше фатена како прима поткуп од пациент.

Како што соопшти обвинителството, докторката – офталмолог побарала 100 евра подарок од лице од Ресен за да ја оперира неговата сопруга. Според информациите, се работело за вообичаена процедура за отстранување на катаракта.

„На 16 јули, таа го повикала пријавителот на одделението за офталмологија во болницата за да ги земе парите и да закажат операцијa. Тој и дал една банкнота од 100 евра која претходно била обележана, па веднаш откако осомничената ги примила парите полициски службеници извршиле претрес и кај неа ги пронашле парите“ соопшти обвинителството.

Ценејќи ги сите околности во предметот и законските основи, јавниот обвинител до судијата на претходна постапка достави предлог за определување мерка куќен притвор за осомничената.

Лекарка од Битола попладнево е фатена како зема рушвет, болницата експресно се огради од неа