Многу луѓе се воодушевуваат кога ќе слушнат за придобивките од додатоците во исхраната, но лесно забораваат дека земањето преголеми количини суплементи може да има и штетни последици. Често е тешко да се пронајдат јасни информации за тоа колку е всушност доволно. За среќа, експерти како д-р Тани Елиот предупредуваат на потенцијални ризици. Во едно од своите видеа, д-р Елиот издвоила четири додатоци во исхраната со кои треба да бидете особено внимателни.

@drtaniaelliott Using these supplements can be dangerous❌ 👩🏻‍⚕️I’m Dr. Tania Elliott, board certified internal medicine specialist and allergist. 👉🏼Vitamin D. Too much vitamin D can harm your kidneys, cause mood changes and muscle pain. 👉🏼Calcium, greater than 100 milligrams per day can harden your arteries, increasing your risk for heart disease. 👉🏼Vitamin E can increase your risk of bleeding and hemorrhage. 👉🏼And vitamin B6, which is found in B-complex and energy drinks, can lead to neuropathy, which is tingling in your hands and feet, increased sensitivity to the sun, and heartburn. Now, there’s a difference between taking the right amount to treat a deficiency versus an appropriate nutritional value. If you don’t have a deficiency, you don’t need to take high dosages, and it could harm your health. #doctor #themoreyouknow ♬ original sound – drtaniaelliott

Витамин Д

Познат како „витамин на сонцето“, често се препорачува за здравјето на мозокот и развојот на коските и мускулите. Меѓутоа, ако лекар не препорачал конкретно земање витамин Д, добро е да се внимава на количината.

„Премногу витамин Д може да ги оштети бубрезите, да предизвика промени во расположението и болки во мускулите“, вели д-р Елиот.

Калциум

Овој минерал е познат по својата улога во зајакнувањето на коските, особено кај постарите лица. Бидејќи природно се наоѓа во многу здрави намирници, можеби воопшто нема да ни треба дополнителен внес преку суплементи.

„Ако консумирате повеќе од 1.000 милиграми калциум дневно, може да дојде до наталожување што ги стврднува артериите и го зголемува ризикот од срцеви болести“, предупредува д-р Елиот.

Витамин Е

Овој антиоксидант стана популарен поради своите ефекти врз кожата и косата. Иако помага во заштитата на клетките од слободните радикали, прекумерниот внес може да биде опасен.

„Витаминот Е може да го зголеми ризикот од крвавење и хеморагија“, истакнува д-р Елиот.

Луѓето кои земаат лекови за разредување на крвта или имаат семејна историја на згрутчување на крвта треба да бидат особено внимателни.

Витамин Б6

Често се наоѓа во додатоците на Б-комплекс и се користи за здравје на мозокот, зајакнување на имунитетот и ублажување на симптомите на ПМС. Но, како и со другите споменати витамини, клучно е да не се претерува.

„Б6 може да предизвика невропатија – трнење во рацете и стапалата, зголемена чувствителност на сонце и ждригавица (киселини во желудникот)“, наведува д-р Елиот.

„Постои разлика помеѓу земањето на вистинската количина за лекување на недостигот и земање високи дози непотребно“, објаснува д-р Елиот.

Ако немаме докажан недостиг, не треба да земате високи дози, бидејќи тие можат да му наштетат на здравјето. Затоа е секогаш важно пред да земете каков било додаток во исхраната, да разговарате со лекар.