Фудбалскиот клуб Јувентус можеби ја игра најлошата сезона во последните 10 години..

„Старата дама“ беше изненадувачки елиминирана во Лигата на шампионите уште во осминафиналето (од Порто) и веројатно е дека за првпат од 2012 година нема да ја освои титулата во Серија А.

Фановите на оваа екипа не се среќни, а италијанските медиуми ги посочуваат Кристијано Роналдо и тренерот Андреа Пирло како главни виновници.

Дел од италијанските медиуми веќе шпекулираат за нивно заминување од клубот, но легендата на Јуве и еден од водечките луѓе во клубот, Павел Недвед, тврди дека тоа не е опција.

– Кристијано Роналдо ќе остане во Јувентус. Тој е недопирлив. Исто така, Андреа Пирло ќе биде наш тренер следната сезона – рече Недвед за „ДАЗН“.

„Марка“: Доколку го повикаат, Роналдо би се вратил во Реал!