Грег Попович потпиша нов петгодишен договор со НБА кошаркарскиот клуб Сан Антонио спарс во 2023 година, вреден повеќе од 80 милиони долари.

На почетокот на ноември беше објавено дека нема да го води тимот поради здравствени проблеми. Сан Антонио спарс објави дека тренерот Грег Попович (75) доживеал благ мозочен удар на почетокот на ноември.

Искусниот стручњак веќе десетина дена не го води тимот во НБА, а го презеде помошниот тренер Мич Џонсон. На почетокот на ноември беше објавено дека Попович има здравствени проблеми, но клубот тогаш не излезе со подетални информации.

Спарс очекуваат целосно закрепнување на Попович, но и натаму не е познат рокот за неговото враќање на работа.

Да потсетиме, Попович во 2023 година потпиша нов петгодишен договор со Спарс вреден повеќе од 80 милиони долари. На таа позиција е од 1996 година и со Сан Антонио освои пет титули во НБА. Тој е и тренер со најмногу победи во историјата на НБА (1.390 во регуларниот дел од сезоната и 170 во плеј-офот). Ова е негова 29. сезона во НБА, а целата ја помина во Сан Антонио.