Се очекува Џанлуиџи Буфон да го раскине договорот со Парма и да објави дека се повлекува од фудбалот на 45-годишна возраст, пренесуваат италијанските медиуми.

Еден од најдобрите голмани во историјата на фудбалот во историјата на спортот, Буфон се надеваше дека ќе продолжи под неговиот важечки договор кој истекува на 30 јуни 2024 година. Но, повредите се зголемија во текот на изминатата сезона и неуспехот на Парма да се врати во Серија А беше разочарување.

Летово имаше и понуди да ја продолжи кариерата во Саудиската Про лига, но според стручњакот за трансфери на „Скај Спорт Италија“, Џанлука Ди Марцио, тврди дека е донесена одлуката. Буфон треба да го раскине договорот со Парма со заедничка согласност и да објави дека се пензионира, откако во јануари наполни 45 години.

Својата кариера ја започна во младинската академија на Парма, потоа во периодот од 2001 до 2018 година со Јувентус ги имаше најголемите успеси, 10 пати шампион на Италија, шестпати го освојуваше Суперкупот на Италија, петпати Купот, а трипати беше финалист во Лигата на шампионите.

Со ПСЖ во сезоната 2018/2019 дојде до трофејот во француската „Лига 1“, па го имаше вториот мандат со „Старата дама“ од 2019 до 2021 година. Запиша 657 настапи во Серија А, 124 во ЛШ и рекордни 176 натпревари за најдобрата репрезентација на Италија.