Во текот на вчерашниот ден во Полициската станица Свети Николе биле пријавени седум обиди за измами. Непознати лица им се јавувале на граѓани по телефон, претставувајќи се како полициски инспектори и тврдејќи дека член на нивното семејство предизвикал сообраќајна несреќа. Од нив барале пари од 5.000 до 50.000 евра за наводно да спречат затворска казна.

Граѓаните се посомневале во вистинитоста на приказната, затоа што претходно биле информирани за слични измамнички случаи, и веднаш ги пријавиле повиците во полиција.

СВР Штип презема мерки за расчистување на случаите и идентификување на сторителите.