Рускиот министер за надворешни работи Сергеј Лавров изрази сомневање дали европските лидери можат да одиграат значајна улога во мировните преговори за Украина.

Зборувајќи за новинарите, Лавров тврдеше дека Европа веќе имала „доволно можности“ да учествува во напорите за ставање крај на конфликтот, истовремено прашувајќи што новите европски земји би можеле да понудат во преговорите.

„Ако Европа сака војната во Украина да продолжи, тогаш зошто да биде поканета на разговорите?, карактеристично изјави тој.

Овие изјави рускиот министер ги даде за време на заедничката прес-конференција со неговиот српски колега Марко Ѓуриќ, додека европските лидери патуваа во Париз на свои разговори.

Претходно утринава беше најавено дека Лавров ќе ѝ се придружи на руската делегација која ќе отпатува во Саудиска Арабија на разговори со американски претставници, меѓу кои и американскиот државен секретар Марко Рубио, за да се подготват за преговори за евентуален мировен договор.