Кошаркарот на Шарлот хорнетс, Ламело Бол, е избран за најдобар дебитант во НБА лигата, открива Адријан Војнаровски, новинар кој речиси никогаш не греши кога станува збор за информации во најсилната кошаркарска лига. Официјалната потврда се очекува во наредните денови.

Ламело Бол беше трет избор на минатогодинешниот драфт и имаше фантастична сезона во дресот на Шарлот постигнувајќи по 15.7 поени, 6.1 асистенции и 5.9 скокови по натпревар и е еден од најзаслужните што екипата го освои 10 место во Источната конференција и играше во плеј-ин турнирот каде беа елиминирани од Вашингтон.