Само пет минути му беа доволни на Тотенхем да дојде во водство на вечерашниот натпревар од третото квалификациско коло на Лига Европа против Шкендија.

Уште од самиот почеток играчите на Жозе Мурињо ја контролираа топката, како и во текот на целото прво полувреме.

Во петтата минута одбраната на Ернест Ѓока не внимаваше најдобро, брзиот Сон правовремено го пронајде Ламела кој искусно ја испрати топката во мрежата на Захов (0:1).

Тетовските „црвено-црни“ немаа ниту еден удар во рамките на голот на Тотенхем каде што дебитира голманот Џо Харт.

Единствено Нафиу се закани од далечина, но беше многу непрецизен во својата намера.

Тотенхем имаше уште неколку сериозни шанси за зголемување на предноста, но остана непроменет резултат 0:1 по првите 45 минути на Националната арена „Тодор Проески“ во Скопје.

GOAL! Lamela's finish to put us 1-0 up early on pic.twitter.com/Br8lcrafXl

— The Spurs Web ⚪️ (@thespursweb) September 24, 2020