Елиф Елмас ја игра петтата сезона во дресот на актуелниот италијански шампион Наполи, сезонава до сега во Серија А има 11 настапи и два голови.

Според „Кориере дело Спорт“, повторно интерес за македонскиот репрезентативец покажува германскиот Лајпциг.

Изворот пренесува дека бундеслигашот планира во текот на зимскиот преоден рок да испрати понуда за нашиот 24-годишен играч.

Лајпциг, кој моментно е третопласиран во Бундес лигата, за „дијамантот“ нуди 20 фиксни милиони евра и уште пет милиони како бонуси.

Има важечки договор со „наполитанците“ до 30 јуни 2025 година, вредноста на Елмас според „Трансфермаркт“ е 26 милиони евра.