Претставникот на ЕУ за дијалог меѓу Косово и Србија, Мирослав Лајчак и американскиот емисар за Западен Балкан Габриел Ескобар денеска ќе престојуваат во Белград, а утре ќе ја посетат Приштина, дознава Теве 1.
Портпаролот на Европската унија Петер Стано изјави дека Лајчак и Ескобар ќе бидат во Косово и Србија во понеделник и вторник, со цел да се вклучат во деескалација на тензиите на северот на Косово.

Стано претходно најави дека претставници на САД и ЕУ прво ќе го посетат Косово, па Србија, но, како што пренесуваат албанските медиуми во Приштина, тие и денеска ќе бидат во Белград, а за време на посетата на Косово ќе го посетат и северот.