Англискиот фудбалски клуб Вест Хем му изрече „најголема можна казна“ на дефанзивецот Курт Зума, откако на социјалните мрежи беше објавено видео на кое се гледа како играчот ги шутира своите две мачки.

Максималната казна што клубот може да ја изрече е одземање на двонеделна плата, а во случајот на Зума изнесува речиси 300.000 евра.

– Зума ја прифати казната и побарал сумата да се донира на организацијата за заштита на животните – соопштија од клубот.

Во исто време, фудбалерот се откажа од старателството над своите две мачки за време на истрагата, а Кралското друштво за спречување на суровост кон животните потврди дека ја презема грижата за мачките.

Повеќе од 150.000 луѓе потпишаа онлајн петиција со која се повикува Зума да биде кривично гонет.