Дваесет и двегодишен кумановец и две лица од Скопје се приведени во Дебар под сомнение дека принудувале деца на питачење.

„На 24.11.2023 во 11.40 часот, во ОВР Дебар, приведени се С.Д.(33), Д.М.(27), двајцата од Скопје како и В.И.(22) од Куманово“, информираат од Министерството за внатрешни работи.

Како што појаснуваат од полицијата, при извршени контроли на улицата „1 мај“ во Дебар, полициските службеници ги затекнале пријавените како на питачење наведуваат малолетни лица.

„По извршени разговори во присуство на претставник на Центарот за социјални работи од Дебар и по целосно документирање на настанот, против нив ќе бидат поднесени соодветни пријави“, информираат од МВР.