Поранешниот фудбалски тренер на Барселона Роналд Куман го сподели своето мислење за тимот на Реал Мадрид и Каталонците пред почетокот на новата сезона во Ла Лига.

– На многу начини, Реал Мадрид е супериорен во однос на Барселона. Знам дека Барса има многу млади играчи како Ламин, Педри или Гави, но им требаат луѓе како Мбапе кои можат да ја променат ситуацијата на теренот во нивна полза – го цитира „АС“ Куман.

Новата сезона во Ла Лига започнува на 16 август, а завршува на 25 мај.

Во рамките од првото коло во шпанското првенство Реал гостува кај Мајорка, додека Барса оди кај Валенсија на македонскиот репрезентативен голман Столе Димитриевски.

Каталонскиот гигант во меѓувреме до стартот на сезоната во шампионатот ќе одигра четири контролни мечеви против Манчестер сити, Реал Мадрид, Милан и Монако.

А „кралевите“ покрај споменатиот дуел со Барселона на 4 август, ќе тестираат и против Милан и Челси, додека на 14 август ќе го играат УЕФА Суперкупот против Аталанта.