Каталонскиот клуб веднаш пронајде замена за Кике Сетиен кој доби отказ после срамната елиминација во четвртфиналето од Баерн Минхен во Лигата на шампионите (2:8).

Како што и се најавуваше во изминатите денови, тоа денеска го потврди и Барселона која информираше дека нов тренер на екипата е Роналд Куман.

? Welcome home, @RonaldKoeman!
?❤️ #KoemanCuler

— FC Barcelona (@FCBarcelona) August 19, 2020

Договорено е Холанѓанецот да биде на клупата на Барса до 30 јуни 2022 година. Во 18.00 часот е најавена е и прес конференција во која пред јавноста ќе биде промовиран новиот тренер.

Своевремено како играч имаше големи успеси со клубот, со четири титули во „Ла Лига“, три трофеи во шпанскиот Суперкуп, а благодарение на неговиот гол во финалето на „Вембли“ против Сампдорија беше освоен Европскиот куп во 1992 година.

Беше асистент во стручниот штаб на Барселона, во тренерската кариера ги водеше Витесе, Ајакс, Бенфика, ПСВ, Валенсија, АЗ Алкмар, Феенорд, Саутемптон и Евертон, а исто така досега беше селектор на холандската репрезентација.

Бартомеу потврди: Куман е новиот тренер на Барселона, Меси не си оди