Крвната група влијае на целокупното здравје, секоја има свои карактеристики и слабости, но една е најотпорна на болести. Станува збор за нулта крвна група, поради што се смета за најдолговечна.

Докажано е дека луѓето со крвна група нулта имаат помал ризик да заболат од кардиоваскуларни болести како што се мозочен и срцев удар, како и помали шанси да заболат од одредени видови рак, пишува „Тајм“.

Крвната група нулта содржи помалку молекули кои можат да предизвикаат згрутчување на крвта, вклучително и срцеви напади и мозочни удари предизвикани од згрутчување на крвта (тромб). Отпорноста на најопасните болести значи поголема шанса за долг живот.

– Се чини очигледно дека избегнувањето на болеста е дел од стратегијата за долг живот. Но, постои верување дека кај стогодишниците целата корист доаѓа од гените против стареење – рекол Стјуарт Ким, професор по биологија и генетика на Универзитетот „Стенфорд“, презентирајќи ги резултатите од истражувањето на својот тим пред неколку години.

Во потрагата по тајната на долговечноста, тие ги истражувале гените на 800 стогодишници и 5.400 90-годишници и откриле дека за брзината на стареењето се многу важни варијациите во четири гени: CDKN2B, кој игра важна улога во клеточната делба, ABO – кој се однесува на типот на крвната група, APOE -кој влијае на склоноста на организмот да заболи од Алцхајмерова болест и SH2B3 – кој го продолжува животот на луѓето.

Како што објасниле, утврдиле дека одредени варијации на гените почесто се појавуваат кај луѓетo кои ќе доживеат сто години, а кога станува збор за крвната група – таа била нулта.