Малолетната мајка која го остави новороденото бебе во парк во Топанско Поле ќе добие кривична пријава за напуштање на немоќно дете, информира полицијата.

Мајката беше пронајдена вчера ден откако го остави своето новороденчето во паркот, голо и без никаква заштита веднаш по раѓањето.

Таа во Центарот за социјални работи даде изјава дека не е во можност да се грижи за бебето, а тоа нема друг родител. Во присуство на нејзината мајка која и е законски старател, малолетното девојчето било однесено на лекар. Бебето ќе биде префрлено во згрижувачко семејство. Мајката има рок од три месеци да се предомисли, а ако тоа не се случи, бебето ќе биде дадено на посвојување.