Следниот филм на познатиот режисер Кристофер Нолан ќе биде адаптација на старогрчката епска поема „Одисеја“ од Хомер. „Јуниверзал пикчрс“соопшти дека тоа ќе биде „митска акциона епопеја што ќе се снима низ целиот свет“.

Филмот на 54-годишниот режисер познат по „Опенхајмер“ и „Интерстелар“ ќе се прикажува во кината низ светот на 17 јули 2026 година, пренесуваат странските медиуми.

Филмот ќе се снима со помош на технологијата „Ајмакс“ (IMAX), која овозможува особено висока дефиниција. А, во овој голем проект се вклучени големит актерски ѕвезди Мет Дејмон, Шарлиз Терон, Том Холанд, Ен Хатавеј, Зендеја, Лупита Нионго и Роберт Патинсон.

Инаку, старогрчкиот еп, напишан околу 8 век п.н.е., раскажува за враќањето на Одисеј од Тројанската војна во Итака.

Кристофер Нолан е британско-американски филмски режисер, сценарист и продуцент, познат по своите иновативни и технички сложени филмови кои често истражуваат теми како што се времето, идентитетот и моралната дилема. Роден е на 30 јули 1970 година во Лондон и е еден од најуспешните и највлијателните режисери на модерната ера. Филмовите на Нолан се познати по нивните сложени приказни, техничка извонредност, употреба на практични ефекти наместо компјутерски и интензивни музички партитури, често во соработка со Ханс Зимер. Неговите филмови честопати се и комерцијално успешни и критички признати, што го прави еден од најважните режисери на денешницата.

Кристофер Нолан стана најплатениот режисер на сите времиња