Менаџерот на Манчестер јунајтед, Ерик тен Хаг пред неколку дена изјави дека и по јануари смета на Кристијано Роналдо. Холандскиот стручњак се надева дека Роналдо ќе остане во тимот, но не прави доволно за да го убеди самиот Португалец во оваа намера.

По подолг период го постигна својот прв гол сезонава во Премиер лигата против Евертон изминатиот викенд, но останува прашањето дали тој ќе се појавеше на натпреварот доколку Марсијал не беше повреден.

Во текот на изминатото лето имаше желба да си замине, неговиот агент Жорге Мендеш се обидуваше на сите начини, но безуспешно.

Англиските медиуми пишуваат дека има ново, поверојатно решение за преселба на Роналдо во американскиот Интер Мајами.

Дејвид Бекам кој е сопственикот на клубот го гледа Роналдо како замена за Гонзало Игуаин кој се очекува да го напушти Мајами.