Крис Џенер на суд: Поранешната на син ми се закани дека ќе ја убие Кајли
Крис Џенер вчера во изјава пред судот во Лос Анџелес изјави дека Блек Чајна, поранешната девојка на нејзиниот син Роберт Кардашијан, еднаш се заканувала дека ќе ја убие Кајли Џенер, пренесува „Пејџ Сикс“.
Препорачано
Мајката на славните Кардашијан изјави дека тие ја информирале за заканата пред многу години додека Кајли сè уште била во врска со раперот Тајга. Таа додаде дека Тајга повеќе пати рекол дека Чајна наводно се обидела да му наштети со нож.
View this post on Instagram
„Се разбира дека беше алармантно, но ние го задржавме во семејството. Тие живееја преку улица, а Чајна имаше мало дете. Бевме загрижени за ситуацијата со Тајга“, рече Крис, додавајќи дека инцидентот не бил пријавен во полиција.
View this post on Instagram
Чајна беше во врска со Тајга од 2011 до 2014 година, а потоа тој беше во врска со Кајли од 2014 до 2017 година, додека Чајна беше со Роб Кардашијан од 2016 година. Чајна и Тајга го имаат синот Кинг, а со Роберт Кардашијан ја има ќерката Дрим.
View this post on Instagram
Еден ден пред да сведочи Крис, Чајна рече дека сè уште била во врска со Тајга кога Кајли почнала да се гледа со него. Адвокатот на Чајна ја праша Крис дали е загрижена што Роб започнал врска со девојка која наводно ѝ се заканувала на Кајли.
„Воопшто немав никаква реакција. Тоа беше само голема драма и се навикнав во моето семејство. Се случи навистина брзо и не знаевме како ќе напредува нивната врска. Не е така, не бев загрижена. Тие имаа турбулентен однос од самиот почеток, но верувам во втора шанса и сакав да го надминат тоа“, изјави Крис и истакна дека само сакала нејзиниот син да биде среќен.
View this post on Instagram
Инаку, Блек Чајна ги тужи Крис, Ким, Клои и Кајли за 40 милиони долари за изгубена заработка и повеќе од 60 милиони долари за идна заработка. Таа тврди дека славното семејство ја искористило својата моќ за да ја наруши нејзината репутација и да ги спречи финансиските можности, откако наводно се заговарале да ја откажат втората сезона на шоуто „Rob & Chyna“, што Кардашијан го негираа.
View this post on Instagram
На прашањето дали разговарала со директорот на мрежата што го прикажува шоуто за нејзиното незадоволство од врската на Роберт и Чајна, Крис рече дека тоа е можно бидејќи имало многу подеми и падови во нивната врска.
„Но, јас навистина сакав Чајна да порасне и да биде подобра верзија од себе“, заклучи Крис.
