Во новиот документарен филм насловен како „Крис Браун: Историја на насилството“, се појавуваат повеќе жени и ги објаснуваат нивните наводни искуства со американскиот пејач Крис Браун. Тој е обвинет и дека силувал жена на јахтата на контроверзниот рапер Шон Комбс, попознат како Диди.

Анонимната жена, тврди дека Крис Браун ја силувал во 2020 година кога била на една од забавите на Диди, која се одржувала на јахтата на раперот во близина на Мајами, пишува „Пипл“.

На почетокот на својата исповед во документарен филм таа наведува дека се преселила во Лос Анџелес во 2020 година за да ја продолжи својата танцувачка кариера и дека во декември истата година отпатувала во Мајами со пријател. Додека била во градот, ѝ се јавил еден познаник и ја поканил на јахтата на Диди.

Кога стигнала до јахтата, го видела Браун таму и вели дека мислела дека тој „можеби би можел да ѝ помогне или да ја упати и да ѝ даде некој совет“. Жената тврди дека тој ѝ понудил пијалак за време на разговорот. Објаснила дека Браун потоа ја однел во спална соба на бродот и ја силувал откако ја издрогирал со пијалакот.

„Се сеќавам дека лежев таму и се прашував: ‘Зошто не можам да станам?’ Бев толку згрозена“, изјавила таа.

Во документот до кој дојдоа странските медиуми, се посочува дека тужбата била покрената уште во 2022 година, но набрзо била отфрлена. Адвокатите на пејачот велат дека обвинителот сè измислил. Медиумите ги контактирале и адвокатите на Диди, но не добиле коментар. Извор близок до Диди изјавил дека овие наводи немаат никаква врска со него и не навел ништо против него.

За потсетување, Диди беше уапсен на 17 септември во Њујорк поради обвиненијата за рекет, силување и трговија со луѓе, а моментално е во притвор каде ќе остане до почетокот на судењето кое е закажано за 5 мај 2025 година.

ФОТО | Среде грозоморните обвинувања: Диди се огласи на социјалните мрежи за првпат по неговото апсење

Крис Браун претепал фанови по концерт: Тие го тужат и му бараат 50 милионска отштета