Дарен Мекгрејди поминал 11 години работејќи како готвач на кралицата Елизабета Втора, а неодамна за Дејли мејл откри без кој „таен“ пијалак британската кралица не сакала да патува.

Кралицата, како и остатокот од нејзиното семејство, го обожавале „тајниот“ напиток, кој бил флаширан за да можат да го носат со себе на патувањата.

Како што напоменува Дарен, тоа е освежителен пијалак од лимон кој готвачите го приготвуваат секој месец и го чуваат во рециклирани шишиња во фрижидер.

Една од состојките е природен лек за чистење на цревата: епсом сол.

Како што откри Дерен, тоа е безалкохолен пијалак сличен на лимонадата, но малку покисел.

Дарен наведе дека сличен пијалак од лимон правиле Египќаните пред илјада години, а го популаризирале француските улични продавачи во 17 век пред да го најде патот до САД во 19 век.

– Кралското семејство патуваше низ целиот свет и го носеше овој освежителен пијалак од лимон во Сандрингам, Виндзор, Балморал, палатата Холируд, па дури и на кралската јахта Британија – откри Дерен

Освежителен пијалок од лимон

Состојки:

4 шолји шеќер

2 лажици епсом сол

1 лажичка лимонска киселина

3 лажички винска киселина

6 лимони, сокот и кората

5 шолји врела вода

Дополнителна вода за разредување

Подготовка:

Ставете го шеќерот, епсом солта, лимонската киселина, винската киселина, сокот од лимон и кората во сад и измешајте.

Ставете ја водата во тенџере, оставете ја да зоврие, потоа прелијте ја врз смесата што ја направивте и мешајте додека не се соедини.

Чувајте во фрижидер додека не се олади и истурете во шишиња со капаче. Чувајте во фрижидер.

За консумација, разредете 1/4 чаша освежителен лимонов пијалак со 2 чаши вода со мраз или по вкус.