Британската кралица Елизабета присуствуваше на финалето на четиридневната ревија на коњи со која се прославуваше нејзиното 70-годишно јубилејно владеење, а во спектаклот одржан на отворено во кругот на дворецот Виндзор учествуваа и холивудскиот актер Том Круз и британската актерка Хелен Мирен.

Кралицата Елизабета (96) на настанот беше доведена во Ленд Ровер, каде ја пречекаа двајца припадници на кралската коњаничка полиција и кои и помогнаа да ги поздрави присутните.

„Таа е жена на која силно и се восхитувам. Премногу е достоинствена ѝ и се восхитувам на нејзината посветеност. Нејзините достигнувања ќе бидат забележани во историјата“, изјави Круз пред почетокот на настаните.

 

View this post on Instagram

 

A post shared by The Royal Family (@theroyalfamily)

Кралицата присуствувала на сите кралски изложби на коњи во Виндзор од почетокот на своето владеење, што е одраз на нејзиниот голем интерес за трките и одгледувањето на коњи. Таа и на својот роденден беше фотографирана покрај два коња.