ЏМ е една од најголемите и традиционални произведувачи на автомобили, кои поставија рок да преминат кон производство на електрични возила, јави Волстрит журнал. Информацијата всушност е објавена денеска на социјалната мрежа Линкдин од Мери Бара, генерален директор на ЏМ.  

Повеќе држави како Јапонија, Велика Британија или Калифорнија, ветија да ги забранат бензинските и нафтени коли до 2035, но тоа досега не го сторила голема и меѓународна компанија како ЏМ. 

Ова е прилично радикална одлука на еден од најстарите автопроизводители, бидејќи во моментот 98 проценти од продажбите на компанијата се возила што користат јаглеводородни горива и испуштаат издувни гасови. ЏМ произведува големи пикап комбиња и теренски патнички возила со многу мала енергетска ефикасност, а кои што се со најголем удел во нејзините профити. 

Во ноември, компанијата соопшти дека до 2025 година ги зголемува инвестициите во хибридни возила со приклучок и технологии за развој на автономни коли до 27 милијарди долари, или повеќе од половина од вкупните капиталните инвестиции планирани за оваа петолетка. 

ЏМ исто така цели да запре со употреба на јаглеводородни енергенси до 2040 година, што значи елиминација на издувните гасови од сите свои производствени погони и активности како и елиминација на издувните гасови од возилата што ги изработува. 

-Сметаме дека со нашите огромни напори ќе ги охрабриме и другите да го сторат истото оставајќи значајно влијание на нашата индустрија и економија, истакна Бара.